محمد حفیظ کیلئے ایک اور بری خبر
لاہور : پی سی بی نے دورہ نیوزی لینڈ میں 2 ٹیسٹ میچوں کی سیریز کیلئے 16 رکنی قومی ٹیم کا اعلان کردیا، اوپنر شرجیل خان اور وکٹ کیپر بیٹسمین محمد رضوان کو شامل کر لیا گیا، ذوا لفقار بابر کی چھٹی ہوگئی، محمد حفیظ بھی جگہ نہیں بناسکے۔
لاہور : پی سی بی نے دورہ نیوزی لینڈ میں 2 ٹیسٹ میچوں کی سیریز کیلئے 16 رکنی قومی ٹیم کا اعلان کردیا، اوپنر شرجیل خان اور وکٹ کیپر بیٹسمین محمد رضوان کو شامل کر لیا گیا، ذوا لفقار بابر کی چھٹی ہوگئی، محمد حفیظ بھی جگہ نہیں بناسکے۔
انضمام الحق کی سربراہی میں قومی سلیکشن کمیٹی نے دورہ نیوزی لینڈ کیلئے ٹیسٹ ٹیم کا انتخاب کپتان مصباح الحق اور ہیڈ کوچ مکی آرتھر کی مشاورت سے کیا۔
پی سی بی اعلامیہ کے مطابق پاکستان اور نیوزی لینڈ کے درمیان پہلا میچ 17 نومبر کو ہینڈنگلے جبکہ دوسرا ٹیسٹ میچ ہیملٹن میں 25 نومبر سے شروع ہوگا۔
چیف سلیکٹر انضمام الحق کا کہنا ہے کہ ٹیم کا انتخاب نیوزی لینڈ کی کنڈیشنز کے علاوہ انگلینڈ اور ویسٹ انڈیز کیخلاف سیریز میں کارکردگی کو دیکھتے ہوئے کیا گیا ہے۔
ان کا کہنا تھا کہ ٹیم تجربہ کار اور نوجوان کھلاڑیوں کا اچھا کمبی نیشن ہے اور سلیکشن کمیٹی نے انگلینڈ اور ویسٹ انڈیز کیخلاف کمبی نیشن پر ہی اکتفا کیا ہے، توقع ہے کہ اس سے بہتر نتائج سامنے آئیں گے۔
اعلان کردہ اسکواڈ میں مصباح الحق (کپتان)، اظہر علی، سمیع اسلم، شرجیل خان، یونس خان، اسد شفیق، بابر اعظم، سرفراز احمد، محمد رضوان، یاسر شاہ، محمد نواز، محمد عامر، وہاب ریاض، راحت علی، سہیل خان اور عمران خان سینئر شامل ہیں
