پاک-بھارت کشیدگی کی وجہ سے عاطف اسلم کی میوزک ویڈیو ریلیز ہونے سے روک دی گئی
پاکستانی گلوکار عاطف اسلم نے بولی وڈ اداکارہ یلینا ڈی کروز کے ہمراہ ترکی میں ایک میوزک ویڈیو شوٹ کی تھی، تاہم اس ویڈیو کی ریلیز بھی ہندوستان اور پاکستان کے درمیان جاری کشیدگی کے باعث مشکلات کا شکار ہوگئی۔
روپوٹ کے مطابق اس میوزک ویڈیو کی پروڈکشن انڈین میوزک لیبل ٹی سیریز نے کی ہے، جو اب پاکستان اور ہندوستان کے کشیدہ تعلقات کے باعث اسے ریلیز کرنے پر رضامند نہیں ہے۔ذرائع نے بتایا ‘چونکہ اس ویڈیو میں ایک پاکستانی فنکار موجود ہے، لہذا اسے حالیہ دنوں میں ریلیز کرنے کا کوئی جواز نہیں، پروڈیوسرز کے پاس اس کے علاوہ اب کوئی راستہ نہیں کہ وہ ابھی اسے ریلیز نہ کریں، انہیں امید ہے کہ مستقبل میں چیزیں تبدیل ہوں اور اس ویڈیو کو ریلیز کیا جائے’۔پاکستانی گلوکار عاطف اسلم نے بولی وڈ اداکارہ یلینا ڈی کروز کے ہمراہ ترکی میں ایک میوزک ویڈیو شوٹ کی تھی، تاہم اس ویڈیو کی ریلیز بھی ہندوستان اور پاکستان کے درمیان جاری کشیدگی کے باعث مشکلات کا شکار ہوگئی۔
ٹی سیریز کے ممبر ونود بھانوشالی کا کہنا تھا کہ ‘ابھی اس میوزک ویڈیو کو ریلیز کرنے کا کوئی ارادہ نہیں، جب بھی ہم کوئی گانا ریلیز کرتے ہیں، پہلے سے اس کی منصوبہ بندی کی جاتی ہے، تاہم ابھی اس کے حوالے سے کچھ نہیں سوچا گیا’۔اس ویڈیو کی ہدایات اور کوریوگرافی احمد خان نے دی ہے، جس کی شوٹنگ ترکی کے قدیم ترین شہر افسس میں کی گئی۔
