Haiti: Hurricane Matthew leaves hundreds dead

ہیٹی میں سیلاب سے زندگی متاثر
ہیٹی میں 125 کلومیٹر فی گھنٹہ کی رفتار سے چلنے والی ہواؤں اور شدید بارشوں کے نتیجے میں آنے والے سیلاب جسے میھتو کا نام دیا گیا ہے نے مکینوں کی زندگی کو شدید متاثر کیا ہے۔

ہیٹی میں آنے والے سیلاب کے نتیجے میں فصلوں اور املاک کو نقصان پہنچا۔ دارالحکومت پورٹ او پرنس میں دریا میں طغیانی کا ایک منظر۔

پورٹ او پرنس کی شاہراہیں کوڑے کرکٹ اور سیلابی پانی کی وجہ سے بند ہو گئی ہیں۔ وہاں موجود ایک شخص کوڑے کو ہٹانے کی کوشش کر رہا ہے تاکہ گاڑیوں کی آمدورفت میں آسانی ہو سکے۔

یہ خاتون ان ہزاروں مکینوں میں شامل ہیں جنھوں نے ہیٹی کے دارالحکومت کے قریب سے گزرنے والے دریا میں طغیانی کے بعد خطرے کے باعث وہاں سے نقل مکانی کی۔

سیلابی طوفان جسے میتھیو کا نام دیا گیا ہے نے ہیٹی سے متصل جزیرہ ہسپینیولا کو بھی متاثر کیا جو ڈومینیکن رپبلک کا حصہ ہے۔ اس تصویر میں دکھائی دینے والے گھر میں مقیم دو بہنیں بھی اسی طوفان کا نشانہ بنیں۔

اقوامِ متحدہ کے مطابق اس وقت طوفان سے متاثرہ 10 ہزار افراد عارضی پناہ گاہوں میں موجود ہیں جبکہ ملک کے ہسپتال بھی متاثرین سے بھرے ہوئے ہیں۔